2023-nji ýylyň 24-nji dekabry güni Arkadag şäheriniň 10 müň adamlyk stadionynda Türkmenistanyň Futbol Federasiýasynyň kubogyny eýelemek boýunça final duşuşygy geçirildi. Duşuşykda “Arkadag” futbol topary “Ahal” futbol toparyndan 3:0 hasabynda üstün çykdy. Oýnuň 1-nji ýarymynyň 29-njy minudynda “Arkadag” futbol toparynyň goragçysy Abdy Bäşimow jerime urgusyndan geçirilen pökgini derwezä salyp, hasaby açdy. 2-nji ýarymyň 52-nji minudynda ýene-de goragçy Abdy Bäşimow pökgini derwezä saldy we dubl etdi. 68-nji minutda bolsa Ilýa Tamurkin “Arkadag” futbol toparynyň 3-nji pökgisini tora saldy. Duşuşyk tamamlanandan soň aýratyn tapawutlanan oýunçylara baýraklar gowşuryldy. Soňra kubok gowşuryş dabarasy boldy. Futbol duşuşygyna ýurdumyzyň ýokary okuw jaýlary bilen bir hatarda Türkmenistanyň Inžener-tehniki we ulag kommunikasiýalary institutynyň talyp ýaşlary hem gatnaşyp, janköýerlik etdiler.

Ýeri gelende belläp geçsek, “Arkadag” futbol topary Türkmenistanyň ýokary ligasynyň şu ýylky möwsüminde hem çempion bolmagy başardy. “Arkadag” futbol toparyny gazanan üstünlikleri bilen gutlaýarys! Geljekde milli we halkara futbol duşuşyklarynda hem üstünlikler arzuw edýäris!

Babageldi Ismailow,

Çyzuwly geometriýa we inženerçilik grafikasy

kafedrasynyň müdiri, Türkmenistanyň Ýaşlar

baýragynyň eýesi