Türkmenistanyň Bilim ministrligi tarapyndan tassyklanan 2024-nji “Pähim – paýhas ummany Magtymguly Pyragy” ýylynda Türkmenistanyň Bilim ministrligi we ýokary okuw mekdepleri tarapyndan bilelikde Hakaton bäsleşikleriň sanawyna laýyklykda, Ýagşygeldi Kakaýew adyndaky Halkara nebit we gaz uniwersiteti oktýabr aýynyň 23-ne “Turkmen Cyber.Hack” atly hakaton bäsleşigini geçirdi.

Bu Hakaton bäsleşigi toparlaýyn bäsleşik bolup, ýokary okuw mekdepleriň gatnaşmagynda 20 sany topar bäsleşikde hasaba alyndy. Türkmenistanyň Inžener-tehniki we ulag kommunikasiýalary institutyndan  hem 5 sany talyp toparlaýyn gatnaşdylar. Olaryň hatarynda   “Sanly tehnologiýalar we kiberhowpsuzlyk” fakultetiniň talyplary Rasul Nurmämmedow, Timur Ýazow, Perhat Amanow, D.Muhammetgulyýew, Meret Jumaýew hakaton bäsleşiginde çykyş etdiler. 

Hakaton bäsleşigi  “Operasion ulgamda gizlin we işjeň howplary öz wagtynda anyklamak we olaryň öňüni almak üçin üpjünçiliklerini döretmek” atly temadan geçirildi. Bäsleşige gatnaşyjylar şu aşakdaky şertleri boýunça üpjünçilikleri döretdiler:

• Operasion ulgamda gizlin howplary we hüjümleri anyklamak;
• Kesgitlenen howplary taýýar gurallar serişdelerini peýdalanyp, ýok etmek arkaly hüjümleriň öňüni almak;
• Kesgitlenen howplary awtomatik ýok edýän programma üpjünçiligini işläp düzmek;

Ýokardaky şertleri çözmek üçin emin agzalar tarapyndan gatnaşyjylara 3 sagat wagt berildi. Bäsleşik örän çekeleşikli geçdi. Türkmenistanyň Inžener-tehniki we ulag kommunikasiýalary institutyndan  gatnaşan talyplar ol şertleri 1 sagadyň dowamynda çözüp, emin agzalara taýýar bolandyklaryny aýtdylar. Barlagyň netijesinde emin agza tarapyndan üpjünçilikleriň işe goýberilip işledilmegini aýdyldy we munuň üçin 5 minut wagt berildi. Soňra eminler monitoring programmasynyň hasabynda talyplaryň taýýarlan üpjünçiliklerine bal berdiler. Netijede, Türkmenistanyň Inžener-tehniki ulag kommunikasiýalary instituty tarapynda gatnaşan talyplar BAŞ BAÝRAGA mynasyp boldular.

Ceper Gylyjowa, 

Türkmenistanyň Inžener-tehniki we ulag kommunikasiýalary

institutynyň Kiberhowpsuzlyk kafedarsynyň mugallymy,

Hakaton bäsleşikleri geçirmegiň guramaçysy.