Türkmenistanyň Inžener-tehniki we ulag kommunikasiýalary institutynda “Arkadag Serdarly bagtyýar ýaşlar” ýylynda Mukaddes Garaşsyzlygymyzyň şanly baýramy hem-de Gündogaryň beýik akyldary, nusgawy şahyr Magtymguly Pyragynyň doglan gününiň 300 ýyllygy mynasybetli “Magtymguly sözle herne bileniň...” atly Magtymguly Pyragynyň şygyrlaryny çeper okamak boýunça döredijilik bäsleşigi geçirildi.
Ýurdumyzyň birnäçe ýokary okuw mekdepleriniň professor-mugallymlarynyň hem-de talyp ýaşlarynyň gatnaşmaklarynda geçirilen şygyr bäsleşiginde Berkarar döwletiň täze eýýamynyň Galkynyşy döwründe Magtymguly Pyragynyň dünýä edebiýatynyň ruhy täjine öwrülen edebi mirasynyň, şygryýetiniň belentden dabaralanýandygy hem-de halkymyzyň dünýä şan beren şöhratly taryhynda yz goýan beýik akyldarymyzyň düýnümiz, şu günümiz hem-de geljegimiz hakyndaky parasatly pikirleri ündeýän şygyrlary ýaňlandy.
Beýik akyldar Magtymguly Pyragynyň agzybirlik, berkararlyk baradaky pikirleri biziň bagtyýar döwrümizde aňryýany bilen amala aşdy. Halkymyzyň Milli Lideri Gahryman Arkadagymyz hem-de Arkadagly Prezidentimiz il ykbalyny öz ykbalyndan eý gören dana atamyz Magtymguly Pyragynyň umytlara we arzuwlara ýugrulan “Berkarar döwlet istärin” diýen arzuwlaryny hasyl edýär. Berkararlygyň özeninde bagtyýarlyk, abadanlyk, asudalyk we jebislik bar. Dana Pyragynyň setirlerine siňen arzuw hyýaly nesilleriň gursagynda ýaşap, ömürlerden-ömürlere ýol ýasaýar. Ol sözler, ol setirler bu gün Jeýhun bilen Gojaman Hazaryň arasynda ýaýylyp ýatan ümmülmez giňişlikde bagtyýar, asuda durmuşymyza ýaň salýar.
Bäsleşikde talyp ýaşlaryň Magtymguly Pyragynyň goşgularynda ýerine ýetiren aýdymdyr-sazlary we sahna eserleri öz täsirliligi bilen tapawutlanyp, emin agzalary tarapyndan oňyn bahalandyryldy.
Arkadagly Serdarymyzyň baştutanlygynda Garaşsyz Watanymyzyň dünýädäki abraýyny, mertebesini, şan-şöhratyny has-da beýgeltjek bagtyýar ýaşlarymyzyň ylymly-bilimli, döredijilikli we ruhy taýdan sagdyn adamlar bolup ýetişmekleri ugrundaky amala aşyrylýan beýik işleriň beýany bäsleşige gatnaşyjylarda uly buýsanç döretdi.
Gündogaryň beýik akyldary, nusgawy şahyr Magtymguly Pyragynyň doglan gününiň 300 ýyllygy mynasybetli “Magtymguly sözle herne bileniň...” atly bäsleşik Arkadagly Prezidentimiziň durmuşa geçirýän parasatly syýasatynyň halkymyzyň bagtyýar ýaşamagy hakyndaky aladasynyň many-mazmuny bilen utgaşyp, şeýle döwletli tutumlaryň başynda duran halkymyzyň Milli Lideri Gahryman Arkadagymyzyň hem-de Arkadagly Serdarymyzyň janlarynyň sag, ömürleriniň uzak, işleriniň rowaç bolmagy arzuw edildi.
Gülşirin Agaýewa, “Çyzuwly geometriýa we inženerçilik grafikasy” kafedrasynyň mugallymy.