“ARKADAGLY SERDARLY AK ŞÄHERIM AŞGABAT” ATLY DÖREDIJILIK BÄSLEŞIGINIŇ JEMLERI JEMLENDI
269 Berkarar döwletiň täze eýýamynyň Galkynyşy döwründe diýarymyzyň her bir güni toýdyr baýramlara beslenýär. Garaşsyz, hemişelik Bitarap Türkmenistanyň at owazasy dünýä dolýar. Günsaýyn gülläp ösýän Watanymyzda bagtyýar halkymyz mukaddes Garaşsyzlygymyzyň miwelerine guwanyp, erkana, parahat durmuşda ýaşaýar. Gahryman Arkadagymyzyň, Arkadagly Gahryman Serdarymyzyň ägirt uly aladasynyň netijesinde, Aziýanyň merjeni Aşgabat şäheriniň ösdürilmegine uly üns berilýär.“Halkara parahatçylyk we ynanyşmak” ýylynda Aziýanyň merjen şäheri Aşgabadyň güni uly dabara şatlyk-şowhun bilen bellenip geçilýär. 21-nji maýda Aşgabat gazeti, Aşgabat şäheriniň Berkararlyk etrap häkimligi, Ýaşlar guramasynyň Aşgabat şäher geňeşi hem-de Demokratik partiýanyň bilelikde guramagynda Aşgabat şäheriniň güni mynasybetly baýramçylyk dabarasy geçirildi. Bu dabarada Aşgabat şäheriniň gününe bagyşlanyp geçirilen “Arkadagly Serdarly Ak şäherim Aşgabat” atly döredijilik bäsleşiginiň jemleri jemlendi. Bu bäsleşige Türkmenistanyň Inžener-tehniki we ulag kommunikasiýalary institutynyň mugallymy Gülnabat Daňatarowa gatnaşyp, “Iň gowy makala ýazmak” diýen bäsleşigiň ýeňijisi boldy.
Institutyň Ylym bölümi
