Täze ýylyň “ Halkara parahatçylyk we ynanyşmak” ýylynyň ilkinji aýynda  ýurdumyzyň okgunly ösýän deňizçilik pudagy üçin ylmy gözleglere ukyply, çylşyrymly meselelere özbaşdak çözgüt tapyp bilýan zehinli deňizçileri ýüze çykarmak, ýaşlarda ýeňşe bolan erki terbiýelemek we gämi gurluşygynda dürli maksatly tejribäni paýlaşmak maksady bilen, 2025-nji ýylyň 27-nji Ýanwarynda “Türkmenistanyň  Goranmak ministrliginiň Harby-deňiz institutynda Watan goragçylarynyň güni mynasybetli “Ussat deňizçi” atly gämi maketleriniň bäsleşigi geçirildi.”

Oňa  Türkmenistanyň Inžener-tehniki we ulag kommunikasiýalary institutynyň “Suw ulagynyň ulanylyşy kafedrasynyň “Gämi sürüji” toparynyň 1-nji ýyl talyby Serdar Gurbanow we oňa ýolbaşçylyk eden uly mugallym Gyzylgül Gurbanowa dagylary “BAGTYÝAR” atly parom gämisiniň  täsin  maket-taslamasy  bilen gatnaşdylar.

Bu bäsleşik talyp ýaşlarda ýenede täzeçe pikirlenmäge uly hyjuw döretdi, olarda ýokary jogapkärçilik duýuldy.  Bäsleşikde baýrakly orna mynasyp bolan bäsleşigiň ýeňijileri we oňa işjeň gatnaşanlar “Hormat haty” we  ýadygärlik sowgatlar bilen sylaglandylar.

Dabaraly çärede mugallym Gyzylgül Gurbanowa öz çykyşynda Harby deňiz institutynyň ähli talyplaryny Watan goragçylarynyň güni bilen tüýs ýürekden gutlap, bäsleşige gatnaşan harby talyplary “Türkmen taýmylçylarynyň edermenligi” atly kitapçany sowgat berdi we Watana Şöhrat getirjek adamlar bolup ýetişmeklerini arzuw etdi.

Kalby buýsançdan doly talyp ýaşlar Arkadagly Serdarymyza döredip beren ähli mümkinçilikleri üçin tükeniksiz alkyşlar bilen, bu bäsleşik  tamamlandy.

Gyzylgül Gurbanowa

                                   Türkmenistanyň Inžener-tehniki we ulag kommunikasiýalary

 institutynyň Türkmenbaşy şäherinde  ýerleşýän “Suw ulagynyň

                                      ulanylyşy” kafedrasynyň  uly mugallymy